• 10:58 – Mərkəzi Bazardakı yanğının vurduğu ziyanın miqyası məlum olub 
  • 20:12 – İş və istirahət günlərinin yerləri dəyişdirildi 
  • 17:09 – Müstəqil dövlətimizlə qürur duyur və fəxr edirik 
  • 12:28 – Sabirabad Rayon İcra Hakimiyyətinin başçısı Türkədi kəndində vətəndaşları qəbul edib 
  • 14:15 – Makronun böhtan dolu fikirləri tamamilə beynəlxalq hüququn prinsiplərinə ziddir 

Qardaşı baltalamaq istədi, anasının qarğışına düşdü, gəlinlik paltarı geyinmədi - Xalq artistindən maraqlı faktlar

  • 09.10.2022, 20:10, Baxış sayı:
  • 145
Qardaşı baltalamaq istədi, anasının qarğışına düşdü, gəlinlik paltarı geyinmədi - Xalq artistindən maraqlı faktlar
Muganinsesi.az Kulis.az-a istinadən Xalq artisti Safura İbrahimova haqqında maraqlı faktları təqdim edir.

Atası Bakının tanınan tacirlərindən olub. Ticarətlə məşğul olduğuna görə onun var-dövlətini əlindən alıb ailəni ölkənin ən ucqar kəndlərindən birinə sürgün ediblər.

***

Ən böyük arzusu həkim olmaq olub. Məktəbi bitirəndən sonra sənədlərini tibb universitetinə versə də imtahanlardan kəsilib.

***

36 yaşında ailə həyatı qurub. 5 il davam edən ailə həyatı övladı olmadığına görə dağılıb. Ondan sonra heç vaxt ailə həyatı qurmayıb.



***

Toyunda gəlinlik geyinməyib.

Həyat yoldaşı prokuror olub. Səfurə İbrahimovanın pərəstişkarı olub. Deyilənə görə heç bir tamaşasını buraxmır, hər tamaşadan sonra ona gül-çiçək gətirərdi.

***

Anası onun aktrisa olması ilə razı olmayıb. O anası ilə bağlı xatirələrində danışarkən anasının hətta ona bu sənəti seçdiyi üçün qarğış tökdüyünü bildirib: "Deyirdi, səni görüm heç vaxt gəlinlik geyinməyəsən, başına duvaq atmayasan".



***

Qardaşları da Safuranın aktrisa olmasını istəməyiblər. Hətta "Sevil" filmindəki roluna görə qardaşı onun üstünə balta qaldırıb.

***

Həsən Turabov, Eldəniz Zeynalov və Tariyel Qasımov ona evlənmə təklifi edib.

***

Xalq artisti Zərnigar Ağakişiyeva ilə ölənə qədər küsülü qalıb.

Bacısı oğlunu övladlığa götürüb.



***

Teatrdan ayrıldıqdan sonra qapalı həyat tərzi sürür. Hətta bir ara onun dəli olduğu ilə bağlı xəbərlər yayılmışdı.

Teatrda onu çox incidiblər. İş o həddə çatıb ki, "Sevil" tamaşasının premyerası zamanı onu yıxmaq da istəyiblər: "Sevil" tamaşasında mən düşdüyüm pilləkənlərdən birinin taxta pilləsini vurmamışdılar. Mənim də bundan xəbərim yox idi. Pilləkənləri düşəndə Allah üzümə baxdı ki, ayağımın altındakı boşluğu hiss etdim. Əgər mən ayağımı həmin boşluğa atsaydım, üzü üstə səhnənin döşəməsinə yıxılacaqdım".

***

"Arxadan vurulan zərbə" də Ziba, "Sevil" filmində Dilbər, "Gün keçdi" filmində Əsmər roluna çəkilməsinə mane olublar.

Uzun illər fəxri ad almasının qarşısı alınıb.
Maqazin
InvestAZ
Sosial Media
  • Facebook
  • Twitter