AQTA Sabirabad rayonu ərazisində bir neçə iaşə müəssisəsini cərimələyib

Qida Təhlükəsizliyi Agentliyi (AQTA) nəzarət tədbirləri çərçivəsində 2022-ci il fevralın 8-də ölkə üzrə 366 ictimai iaşə obyektində 645 monitorinq keçirib.
AQTA-dan verilən məlumata görə, monitorinqlər zamanı 13 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri arasında Sabirabad rayonu ərazisindəki Xəlfəli kəndində yerləşən, fiziki şəxs Qasımov Əbdürrəhim Xəlilulla oğluna məxsus çayxana, Cavad-Bərə yolunda yerləşən, fiziki şəxs Əzizov Bəxtiyar Gülmalı oğluna məxsus kafe, Qardaşkənd kəndində yerləşən, fiziki şəxs Həsənov Xəzər Xeyrəddin oğluna məxsus kafe də vardır.
AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
“Muğanın səsi”