Rəhbərə qarşı etimadımız və hörmətimiz daha da artır

Mirtale AĞAZADƏ,

Sabirabad rayon Mədəniyyət Mərkəzinin
direktoru

Cənab Prezident İlham Əliyev həmişə olduğu kimi yenə də jurnalistlərə müsahibəsində dövlət qulluğunda çalışan, vəzifə daşıyan məmurlara xəbərdarlıq edib. Prezidentin xəbərdarlığı idarəetmənin təkmilləşməsi, həmçinin kadrların məsuliyyətinin artırılması və əhaliyə göstərilən xidmətin yaxşılaşdırılması üçün çox vacibdir. Xəbərdarlığın mahiyyəti odur ki, vəzifəlilər vətəndaşların narazı qalmaması üçün öz məsuliyyətlərini dərk etməlidirlər.
Prezidentimiz müsahibəsində növbəti dəfə məmurlara özünün yeni tövsiyə və məsləhətlərini verdi. Bu məqsədlə də məmurların məsuliyyətinin artırılması üçün onlara xəbərdarlıq etdi. Həmin xəbərdarlıq hər bir ölkə vətəndaşının rəhbərə qarşı etimadını və hörmətini artırır. Biz əhalinin həyat şəraitinin yaxşılaşdırılması və onlara göstərilən xidmətin təkmilləşdirilməsi üçün Prezidentin diqqət və qayğısını əsirgəmədiyinin şahidiyik. Bu dəfə də Prezident məmurlara ciddi xəbərdarlıq edərək bildirdi ki, insanlarla davranışda məsuliyyətsizliyə yol vermək olmaz.
Ümumiyyətlə Prezidentin həm özünün fəaliyyəti, həm də qarşıya qoyduğu tapşırıqlar məmurlar, eləcə də xidmət göstərən hər kəs tərəfindən dəyərləndiriləcəyinə, vəzifələrin məsuliyyətlə yerinə yetiriləcəyinə əminik.