Prezident İlham Əliyev: "Bu, Ermənistanla Azərbaycan arasında münasibətlərin normallaşdırılması üçün münbit zəmin yarandığını göstərir"

"Əvvəlki illərdə Ermənistan rəhbərliyi adətən beynəlxalq tədbirlər zamanı Azərbaycana qarşı əsassız, ittiham xarakterli çıxışlar edirdi".
APA-nın məlumatına görə, bunu Azərbaycan Prezidenti İlham Əliyev dekabrın 15-də Belçika Krallığının paytaxtı Brüsseldə Avropa İttifaqının Şərq Tərəfdaşlığının VI Sammitində çıxışında deyib.
Bu dəfə isə belə bir halın baş vermədiyini müsbət qiymətləndirən Prezident İlham Əliyev öz növbəsində Ermənistana qarşı bilavasitə fikir səsləndirmədiyini qeyd edib. Prezident İlham Əliyev deyib ki, bu, Ermənistanla Azərbaycan arasında münasibətlərin normallaşdırılması üçün münbit zəminin yarandığını göstərir.