ATƏT nümayəndəsi: "jurnalistlərin faciəvi ölümü dəhşətli xəbərdir"

ATƏT-in KİV azadlığı üzrə nümayəndəsi Tereza Ribeiro bu gün Kəlbəcərdə Azərbaycan media mənsublarının minaya düşərək həlak olması ilə bağlı bəyanat verib.

Bizim.Media bu barədə ATƏT-in saytında məlumat verilib.

Bildirilir ki, Azərbaycan Dövlət Xəbər Agentliyi ("Azərtac") və Azərbaycan Dövlət Televiziyasında çalışan iki jurnalist Kəlbəcərdə bu gün xidməti vəziflərinin icra edərkən mina partlayışı nətiəsində həlak olublar.

"AzTV-nin rejissoru Emin Məmmədov daxil olmaqla bir neçə şəxs isə yaralanıb. Məhərrəm İbrahimov ve Sirac Abışovun faciəvi ölümü dəhşətli xəbərdir. Onların yaxınlarına və həmkarlarına dərin başsağlığı verirəm", -deyə Ribeiro bildirib.

ATƏT rəsmisi hüquq-mühafizə orqanlarının məsələylə bağlı cinayət işi açdığını qeyd edərək günahkarların məsuliyyətə cəlb ediləcəyinə ümidvar olduğunu bildirib.